Edukasyong Pantahanan at Pangkabuhayan Gr. 4-6

Ang EDUKASYONG PANTAHANAN AT PANGKABUHAYAN (Dynamic Series in HELE) ay batay sa K to 12 Basic Education Curriculum na itinakda ng Department of Education upang linangin ang kaalaman at mga kasanayan ng mga mag-aaral sa mga larangan ng Entrepreneurship, Information and Communications Technology (ICT), Agrikultura, Edukasyong Pantahanan (Home Economics), at Industrial Arts. Isinama sa seryeng ito ang entrepreneurship sa lahat ng bahagi ng Home Economics and Livelihood Education. Nialayon din ng seryeng ito na palakasin ang mabuting relasyon sa loob ng pamilya, komunidad, at bansa.

Ang mga aralin at mga aktibidad sa bawat aklat ay nakabatay sa mga konsepto, proseso, at kaugaliang kinakailangan para umunlad ang kakayahang teknolohikal at kasanayang pang-entrepreneurial ng mga mag-aaral. Idinisenyo ang mga ito upang tiyakin ang mabisang pagkatuto sa pamamagitan ng aktibong pakikilahok at nagsama rin ng mga proyektong kaakit-akit para sa mga mag -aaral upang iparamdam sa kanila ang diwa ng entrepreneurial at himukin silang makapagtayo ng kanilang sariling mga Negosyo upang maging produktibo at responsableng indibidwal, miyembro ng pamilya, at mamayang Pilipino.